**ARNAR ÞÓRISSON, EIGANDI**
Arnar er viðskiptafræðingur frá Háskóla Íslands og MBA frá viðskiptaháskólanum IESE í Barcelona. Arnar hefur starfað um langt árabil í ferðageiranum, hvort tveggja á Íslandi og erlendis. Arnar hefur verið stjórnarformaður Íslenskra fasteigna ehf. í 12 ár. Hann hefur jafnframt verið stjórnarformaður Kilroy International frá 2007 og stjórnarformaður Íslenskrar fjárfestingar ehf. frá 1999. Áður starfaði Arnar m.a. sem framkvæmdastjóri Félagsstofnunar stúdenta, framkvæmdastjóri viðskiptaþróunar hjá KILROY, aðstoðarforstjóri og fjármálastjóri flugfélagsins Atlanta og stjórnarformaður CAOZ. Arnar er fæddur 1964.

**ÞÓRIR KJARTANSSON, EIGANDI**
Þórir er byggingaverkfræðingur að mennt frá Háskóla Íslands og MBA frá viðskiptaháskólanum IESE í Barcelona. Þórir hefur starfað í ferðageiranum, heilbrigðisgeiranum og fasteignageiranum í 19 ár. Hann sat í átta ár í stjórn Landspítala háskólasjúkrahúss og hefur setið í opinberum nefndum á heilbrigðissviði, svo sem nefnd um byggingu á nýju húsnæði fyrir Landspítala háskólasjúkrahúss. Þórir hefur starfað sem framkvæmdastjóri Íslenskrar fjárfestingar frá 1999. Áður en Þórir kom að stofnun Íslenskrar fjárfestingar ehf. starfaði hann hjá Icelandair, Icelandspring og Philips. Þórir er fæddur 1969.

Framkvæmdastjórn

Framkvæmdastjórn Íslenskrar fjárfestingar skipa sex aðilar: Arnar Þórisson, stjórnarformaður félagsins, Þórir Kjartansson, framkvæmdastjóri, Björn Þór Karlsson, lögmaður, Eva Ýr Gunnlaugsdóttir, framkvæmdastjóri mannauðsmála, Guðrún Drífa Hólmgeirsdóttir, fjármálastjóri og Magnús Edvardsson, framkvæmdastjóri fjárfestinga.

Framkvæmdastjórn hefur það hlutverk að styðja við núverandi fyrirtæki sem Íslensk fjárfesting er fjárfestir í ásamt því að skoða nýjar fjárfestingar. Einnig heldur framkvæmdastjórn utan um fjárflæði allra dótturfyrirtækja Íslenskrar fjárfestingar ásamt því að sjá um ávöxtun á fjármagni og aðstoða dótturfélög við fjármögnun, fjármál, þróun og rekstur.

**Björn Þór Karlsson**
**bjorn@ip.is**

Björn er lögmaður fyrirtækisins og framkvæmdastjóri Stafa. Hann hefur starfað fyrir Íslenska fjárfestingu og tengd félög í yfir 10 ár. Björn hefur áður starfað hjá Thule Investments, Lögfræðistofu Gunnars Thoroddsen, Legis - lögfræðistofu og við eigin rekstur. Björn er með BA gráðu og meistaragráðu í lögfræði frá Háskóla Íslands og er með réttindi til málflutnings fyrir héraðsdómi.

**Guðrún Drífa Hólmgeirsdóttir**
**gudrun@ip.is**
Guðrún er fjármálastjóri. Hún er með B.Sc. gráðu í viðskiptafræði og meistaragráðu (M.Acc.) í reikningsskilum og endurskoðun frá Háskóla Íslands, auk þess sem hún hefur lokið prófi í löggildingu í endurskoðun. Guðrún starfaði í sjö ár á endurskoðunarsviði Deloitte áður en hún hóf störf sem fjármálastjóri hjá Kaffitár. Eftir að Ó. Johnson & Kaaber eignaðist Kaffitár tók hún við stöðu fjármálastjóra þar og leiddi fjárhagsleg málefni samstæðunnar. Við sameiningu Ó. Johnson & Kaaber og ÍSAM leiddi hún áfram fjárhagssviðið í sameinuðu félagi undir merkjum Ó. Johnson & Kaaber – ÍSAM. Guðrún starfaði alls í átta ár innan samstæðunnar áður en hún gekk til liðs við Íslenska fjárfestingu.

**Eva Ýr Gunnlaugsdóttir**
**eva@ip.is**

Eva er framkvæmdastjóri mannauðsmála og hefur víðtæka reynslu af mannauðsstjórnun. Hún hefur starfað sem framkvæmdastjóri mannauðs hjá Sóltúni og sem framkvæmdastjóri mannauðs og menningar hjá Alvotech, auk þess að hafa starfað við mannauðsmál hjá Landspítala, Össuri og NOVA. Eva er með MBA gráðu frá Háskólanum í Reykjavík, ásamt MS gráðu í mannauðsstjórnun og BS gráðu í hjúkrunarfræði frá Háskóla Íslands. Þá hefur hún einnig lokið námi í stjórnendamarkþjálfun.

**Magnús Edvardsson**
**magnus@ip.is**
Magnús er framkvæmdastjóri fjárfestinga. Magnús hefur yfir 15 ára reynslu á fjármálamarkaði en hann starfaði í fyrirtækjaráðgjöf hjá Kviku banka og forverum á árunum 2009-2023. Þar á undan starfaði Magnús hjá Kaupþingi. Magnús er með M.Sc. fjárfestingarstjórnun frá Háskólanum í Reykjavík og B.Sc. í viðskiptafræði frá sama skóla.

Starfsmenn

Hjá fyrirtækjum í meirihlutaeigu Íslenskrar fjárfestingar er fjöldi starfsfólks 1030 (830 FTE). Hjá móðurfélaginu starfa sextán manns sem sinna fjárfestingum, þróun verkefna, fjármálastjórnun, mannauðsstjórnun, lögfræði, framkvæmdastjórn og utanumhaldi.